மா.கா.பாவிற்கு இப்படி ஒரு மார்க்கெட்டா?

சிவகார்த்திகேயனுக்குப்பிறகு விஜய் டிவியில் இருந்து சினிமாவில் ஹீரோவான வீடியோ ஜாக்கி மா.கா.பா.ஆனந்த். கிருஷ்ணாவுடன் இணைந்து அவர் நடித்த வானவராயன் வல்லவராயன் படம் ஓரளவு வெற்றி பெற்றதால், இவரும் சிவகார்த்திகேயனை மாதிரி சினிமாவில் பெரிய ஹீரோவாகி விடுவார் என்று எதிர்பார்க்கப்பட்டது. அதனால் அந்த படத்தில் நடித்து முடித்ததும் பல படங்களில் கமிட்டானார் மா.கா.பா.ஆனந்த். அதில், நவரச திலகம், அட்டி, பஞ்சு மிட்டாய், தீபாவளி துப்பாக்கி ஆகியவை குறிப்பிடத்தக்கவை.மா.கா.பா
இந்த படங்களில் நவரச திலகம் மிகுந்த எதிர்பார்ப்புகளுக்கிடையே வெளியானது.ஆனால், அந்த நவரச திலகம் எதிர்பார்த்தபடி ஓடவில்லை. அதனால் மா.கா.பா.வின் மார்க்கெட்டில் தொய்வு ஏற்பட்டது.
இருப்பினும், அவர் நடித்து அடுத்தபடியாக வெளியாகயிருக்கும் அட்டி படம் விரைவில் திரைக்கு வருகிறது. அதற்கடுத்து தீபாவளி துப்பாக்கி வெளியாகிறதாம். அதனால் இந்த படங்களை தற்போது எதிர்பார்க்கத் தொடங்கியிருக்கும் மா.கா.பா.ஆனந்த், இந்த இரண்டில் ஒருபடம் வெற்றி பெற்றாலும் அடுத்தபடியாக சில படங்களில் கமிட்டாகி விடுவாராம். காரணம், அவரிடம் கதை சொல்லி வைத்துள்ள தயாரிப்பாளர்கள், அவரது வெற்றிக்காக காத்துக்கொண்டிருக்கிறார்கள். மா.கா.பா
மேலும், பல சிறு பட்ஜெட் தயாரிப்பாளர்கள் இவர் கால்ஷிட்டிற்காக காத்திருக்கிறார்களாம்.